Хушомад қилма қўйгин,
Узр йўлингни тўсдим.
Қанча обрў топсанг ҳам,
Отангни мақта дўстим.
Хушомад қилма қўйгин,
Узр йўлингни тўсдим.
Қанча обрў топсанг ҳам,
Отангни мақта дўстим.
Боламсан деб жон берган,
Томиринга қон берган,
Ўзи емай нон берган,
Онангни асра дўстим.
Давраларни зўрида,
Ўтирсанг ҳам тўрида,
Бўлсин қалбинг қўрида,
Акангни мақта дўстим.
Офтоб урса, соя бўлгин,
Балоларга қоя бўлгин,
Ўлсанг номус учун ўлгин,
Опангни асра дўстим.
Жигар-жигардан унар,
Хаёт шам, бир кун сўнар,
Нима десанг ҳам кўнар,
Укангни асра дўстим.
Вайрон қилиб хар жойни,
Босиб ўтсанг буғдойни.
Гуноҳ бўлмас хеч қачон,
Синглингни асра Дўстим!
Эркалаб суй аёлингни,
Бир жойга қўй ҳаёлингни,
Асраб жуфти ҳалолингни,
Болангни асра дўстим!
Ўлсанг мангу-маконинг,
Тўкилган киндик қонинг,
Чиқиб кетса ҳам жонинг,
Ватанни асра дўстим!
Қўлида имкон бари,
Ислом динин гавхари,
Ўн икки минг олам сарвари,
Аллоҳни севгин дўстим!